ڈنڈا پیرا ے وگڑیاں تگڑیاں دا

ڈنڈا پیرا ے وگڑیاں تگڑیاں دا‘‘
اج دی ایس کر ماں والی پریا وچ جہڑا ’’سچ‘‘ نتارنے واسطے آ یا اے اوہدے بول نے ڈنڈا پیر اے وگڑیاں تگڑیاں دا۔
پر دھان جی!اے گل دا اک اک لفظ ، لفظ دی ایک اک ونڈ، ونڈ دی اک اک زیر تے زبر، تے زیر زبر توں پین والی چھنک اییو پئی آکھدی اے کہ اے اج دے ویلے دا سچ ہے کہ لچے نوں سمجھا یا پیا نال تے صفر نتیجہ نکلیا۔ اسیں اے آزمایا سوٹا ، سوٹا ای ہوندا اے۔
چوہدری جی! اج دے ایس زمانے چہ ڈنڈے تے سوٹے توں بغیر کوئی کم نہیں ہندا۔ اَج ڈنڈا جھدے کول اے مجھ وی اوہدی، گاں وی اوہدی ۔ بلکہ پنڈ دی ساری تھاں وی اوہدی۔ ڈنڈا ای اے جہڑا اسمبلیاں چہ راج کر دا ہے۔
اے ڈنڈا ای اے جہدے سر تے چور اچکے دن دہاڑے لوکا ں نوں لٹ لیندے نے ۔ اے ڈنڈا اے جہدے ڈر توں ابو ذر وی آکھدا اے
پلس نوں آکھاں رشوت خور تے فیدا کی اے
پچھوں کردا پھراں ٹکور تے فیدا کی اے
اے ڈنڈا ای اے جہدے سِر تے ٹریفک دے اشارے چلدے نے اے ڈنڈا اے جہدے نال ملک دا قانون چلد ا اے ۔ڈنڈا اے جہدے نال زمانہ چلدا اے ۔
اے ڈنڈا اے جہدے نال گیا ویلا چلیا سی جہدے نال ساڈا اج چلدا اے جہدے نال ساڈا کل چلدا اے۔

پر دھان جی! یاد کرو او ویلا جدوں محمود غزنوی نے ڈنڈ ے مار مار ہندو ستان نوں 17وری گوڈے لان تے مجبور کر دِتاسی۔
جدوں ہٹلر نے طاقت دا ڈنڈا پھڑیا تے دنیا وچ جرمناں نوں مکون دا اعلان کیتا تے وڈیاں وڈیاں دے متھے تے پسینہ آ گیا۔ جدوں اے ڈنڈا اکبر دے ہتھ سی تے انا ر کلیاں ’’دیوار وچ‘‘ چن دتیاں جاندیاں سن۔فیر مرہٹیاں تے راجپوتاں دے ڈنڈیاں دی وہجہ تو ں اورنگ زیب دی حکومت ٹوٹن ول ٹر پئی ۔انگریز سر کار دا ڈنڈا جلیانوالہ دے باغاں چہ لوگوں نوں نک رگڑن تے مجبور کر دیندا اے۔ ایوب دی دھاندلی دے ڈنڈے اگے قوم دی ماں وی مر جاندی اے ۔ ضیا دے سوٹے اگے جمہوریت وی مر جاندی اے۔
چوہدری جی! میں تے آکھاں گا کہ اے دور تاں ہے ہی ڈنڈے دا۔ اَج چارے پاسے دیکھ لو! اے ڈنڈا ہر روپ وچ طاقت دا نشان اے تے اے پیر اے وگڑیاں تگڑیاں دا۔ اے ڈنڈا استاد دی ہتھ ہو وے تے شاگرداں دا پیر ہوجاندا اے۔اے چو کیدار دے ہتھ ہو وے تے چوراں دی تقدیر ہو جانداائے ۔اے ڈنڈا بابے دے ہتھ ہو وے تے پیراں دا زنجیر ہو جانداائے ۔اے ڈنڈا مغلاں دے رو پ وچ راجپو تاں دا پیر سی۔ اے ڈنڈا انگریز دے روپ چہ ہندوستان دا پیر سی۔اے ڈنڈا فوج دے روپ چہ سارے نظام دا پیر اے۔اے ڈنڈا ای اے جہدے اگے کوئی چوں وی نہیں کردا، جہڑا ڈنڈے دار نظام اے اہدا توڑ کوئی نہیں کیونکہ اہدے خلاف کوئی ملین مارچ نہیں ہو سکدا۔ اہدے خلاف کوئی رپٹ درج نہیں ہو سکدی کیو نکہ اج ہر پاسے ڈنڈے دا راج اے۔ گلی وچ اک بندے نے دوجے نوں ڈنڈا ماریا تے دونوں پاسے ڈنڈے نکل آندے نے۔ دونوں پارٹیاں ڈانگوں ڈانگی ہوند یاں نے تے پلس ڈنڈے لے لے پہنچ جاندی اے تے فیر وگڑیاں تگڑیاں نوں اکو شے تیر وانگوں سدھا کر دیندی اوہ ہے ڈنڈا!
پر دھا ن جی!
رب نیڑے کے گھسن تے جواب تے ہر کسے نوں پتہ اے جواب کیہ اے تے ایس واسطے ڈنڈا پیرا ے وگڑیاں تگڑیاں دا۔

کوئی تبصرے نہیں:

ایک تبصرہ شائع کریں